終於係新一年見面喇~

早前台灣大地震攪到網絡上非常之塞..攪到自已既一年回顧都無埋。

上年2006年發生左好多事呀~有開心..唔開心..有驚喜...有失望...也有很多難忘既事..係呢度好想同大家一起分享。

開心: 今年同我外國既朋友eweline 都幾有緣，5月先到香港business trip，順便帶她周圍去...7月我又去左新加坡旅行...又係佢屋企住左好幾日...大家一齊生活好開心呢。另外12月她連同男友及兩位AUNTE黎香港旅行.....HAHAHA..我仲做導遊帶她去玩呀。一唔見一見就一年見三次..都咪話唔開心呀。

另外3月份我攪左一個生日會，今次係我咁大個人第一次既生日會，好開心..仲同o的朋友一齊影大合照....簡直係我夢寐以求。仲收到好多份生日禮物...好感動呀。

唔開心: 今年我鐘意決定唔做大億...令我鼓起咁大既勇氣都係個老闆女....早於4月中尾..同她罵了一場...令我睇得好清楚..自已既努力...自已既心被人吹毀既感覺..真係好心痛，學識左做人唔好咁傻為人地普想...要自私O的....唔好咁易信人。

驚喜: 今年7月去了旅行..新加坡又去沙巴...好開心..仲發生左好多野..都好驚喜。旅行其間好開心..識左兩個新朋友...其中同西瓜仲好FD 呀。

唔開心: QUIT 左份工...點知又搵唔到份理想既工作...同埋仲有左個迷失病...唔知自已想點。錢又無工又無......不過都好彩仲有朋友。

黎近一年，希望順風順水，搵大錢....HAHAHHA...希望識多O的朋友...擴闊自已既圈子...識返個男友都好呀。

咁快又到聖誕節喇~時間真係過得好快。

呢幾個星期發生左好多野。

EWELINE 同她的男友同兩位ANUTIE 黎香港..我帶她們四周圍走...好開心呢。送她們上機...真係好唔捨得呀...都唔知幾耐先可以見面呀。

她們走後，又搵到工喎...不過麻麻地...決定騎牛搵馬..做住先。

仲有我表妹結婚....第一次去飲咁開心..咁有氣氛...原來平平淡淡都可以咁開心架...明白左黎個道理。有時簡單O的都係一個唔錯既選擇。

時間過得好快呀。

12月9日陪左個fd 同佢既屋企人周圍去.....去左好多地方呀...好似我都去旅行咁...好開心呢。

12月15日同16日又去左澳門，仲同埋amy一齊去添....仲發生左好多趣事。16日，我個fd 要返屋企喇..好唔捨得呢+_+又唔知要等幾耐先會見喇。

前日我去左我細老既畢業典禮....好開心...雖然有點悶...不過見他上台的那一刻有點感動....大個仔喇。